மருத்துவ மனை (14)

ரிசையாய் நிற்கும்
நோயாளிகளின் வலி கூட்டும்
நிர்வாகம்;

தெய்வம் வந்து தாங்கிடாத
பொழுதுகளில் –
மனிதனை உயிர்ப்பிக்கும் விஞ்ஞான வளாகம்!

பணம் போட்டு
நலம் காக்கும்
பொதுசேவை வியாபாரம்;

பணம் தாண்டியும்
மனிதம் சுரப்பிக்கும் கடவுள்கள்
மருத்துவர்களாக மாறிய இடம்!

உயிரோடு
விளையாடி –
தொழில் கற்கும் ஏகாந்தம்;

உயிர் கொடுத்தும்
உயிர் காக்கும் –
மதம் தாண்டிய மருத்துவாலயம்!

ஏழைகளின் உயிர் வருத்தியும்
உயிர் காத்தும் வளரும் –
செங்கல், மண் கட்டிடம்;

எத்தனையோ பணக்கார மருத்துவர்கள்
இரவு பகலை தொலைத்து –
மருத்துவம் பார்க்கும் மனிதநேய மண்டபம்!

சகோதரிகளின்
கவனக் குறைவால் –
உயிர் தின்னும் பொழுதுபோக்கிடம்;

மருத்துவரில்லாத அவசரத்தில்
உயிர் காத்த – செவிலித் தாய்களின்
அன்பு பூக்கும் தளம்!

இவை எல்லாம் கடந்து –
எத்தனையோ அலறல்களும்
கண்ணீர் கதறல்களும் –
உயிர்பிரிந்த கணப் பொழுதுகளும்
ஒரு ரசாயன மனமாய் காற்றில் கலந்து
காற்றாக மாறிய இடம்!
————————————————————————————-
வித்யாசாகர்

About வித்யாசாகர்

நள்ளிரவில் தூங்கி நள்ளிரவில் எழுந்து முழு இரவையும் தொலைத்து வாங்கிய எழுத்துக்களில் - ஒரு இதயம் விழித்துக் கொண்டாலும் வெற்றி என்பேன் தோழர்களே!
This entry was posted in அம்மாயெனும் தூரிகையே.., கவிதைகள் and tagged , , . Bookmark the permalink.

4 Responses to மருத்துவ மனை (14)

  1. கவிஞனசக்ரவர்த்தி சொல்கிறார்:

    ஆம்.எல்லாத் துறைகளிலும் இந்த இரு வேறு மாதிரியான மனிதர்கள் இருக்கத்தான் செய்கிறார்கள்.

    Like

  2. dhamodharan சொல்கிறார்:

    குடியரசன்று கொடி குத்தி, குழந்தையை அடித்தாய், இந்த பெண்களின் சமூகத்தை கிழிக்கும் நாசக்காரர்களை எப்போது அடிப்பாய்?

    Like

    • வித்யாசாகர் சொல்கிறார்:

      உங்கள் கேள்வி தான் என் பயணமும்; இப்போதைக்கு எழுதவே முடிகிறது, என்றேனும் ஒரு நாளில் எல்லாமே முடியலாம். முடியாத கணமொன்று வருகையில் நானே முடிந்துப் போயிருக்கலாம்.

      வருகைக்கு நன்றி தாமோதரன்!

      Like

கவிஞனசக்ரவர்த்தி க்கு மறுமொழியொன்றை இடுங்கள் மறுமொழியை நிராகரி

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s