வாட்ச் பக்கெட் தேங்க்ஸ் சாரியிலிருந்துத்
துவங்குகிறது தமிழிற்கான தினக்கொலை..
அம்மா அப்பா மாறி
மம்மி டாடியானது மட்டுமல்ல
டிவி ரேடியோ கூட வெகுவாய்
தமிழை தின்றுதான் பசியாறிக்கொண்டுள்ளது;
சுடுகாட்டுப் பிணத்தைக் கூட
டெட்பாடி ஆக்கும் ஆசையை
எந்தக் கொள்ளியிளிட்டுக் கொளுத்தினால்
என் தமிழனுக்கு தனது தாய்மொழி முழுக்க
தமிழாகித் தொலையுமோ… (?)
எவனோ எடுத்தெமைப்
புதைக்கும் குழிக்குள்
தமிழ்தொலைத்து தொலைத்து
விழும் மாந்தரை
எந்த மொழி மனிதரெனயெண்ணி
மீண்டும் மீண்டும் மன்னிக்குமோ?
பேன்ட் சூட்டும் ஃபாரின் காரும்
பேஸ்புக் பிசாவும் கூட
மாற்றத்தின் புள்ளிகளுக்குள் அடங்கிய
காலமாற்றத்தின் காட்சிகளாகிப் போகட்டும்
பெயர்ச்சொல்லாய் வாழட்டும்
மீறி மொழியைத் தொலைப்பதையோ – பாதி குறைத்து
தங்க்லிஷ் எழுதுவதையோ
நியாயமென்றுரைப்போர் நஞ்சினை –
எந்த வாளிட்டு அறுப்பது?
ஆங்கிலம் முக்கியம்
அரபுமொழி முக்கியம்
அந்நிய மொழிகள் முக்கியம்
அதையெலாம் அதுவாகப் பேசுவதுபோல்
தாய்மொழியும்
தமிழர்க்கு அழகில்லையா ?
மானம் போயின் தெருவில் பிணமான
இனத்திற்கு
தனதானமொழி தமிழது முகம் தொலைக்குமெனில்
சினமின்றி எழுதும் கவிதையும் தீதன்றோ ?
எனவே –
எனவே உறவுகளே..
அங்கமங்கமாக பிறமொழி கலந்து குழந்தைக்கு
மில்கோடு ஹாட்கப்பில் தருவோரே,
தமிழை தினம் தினம் பிளேட்டில்
ரைசோடு போட்டுக் கொல்வோரே..
இனி –
கொஞ்சம் கொஞ்சமாக தனை மாற்றுங்கள்
தமிழையினி யேனும்
அழகு கொஞ்சப் பேசுங்கள்;
மொழி நமக்கு உயிராக வேண்டாம்
மொழியாகவே இருக்கட்டும்
முழுதாகப் பேசமட்டும் முப்பொழுதும் கிடைக்கட்டும்
வாழ்க தமிழ் பேசுவோர்!!
———————————————————————————————–
வித்யாசாகர்
வணக்கம்
அண்ணா
மொழி நமக்கு உயிராக வேண்டாம்
மொழியாகவே இருக்கட்டும்
முழுதாகப் பேசமட்டும் முப்பொழுதும் கிடைக்கட்டும்
வாழ்க தமிழ் பேசுவோர்!!
அருமையாக தமிழ் பேச வேண்டும் என்பதை அழகான கவிதையில் சொல்லிய விதம் அருமை வாழ்த்துக்கள் அண்ணா
என்னுடைய வலைப்பூவில் கவிதைப்போட்டி ஒன்று நடத்தி அதன் பெறுபேறுகள் வெளியிடப்பட்டுள்ளது வாருங்கள் வந்து பாருங்கள் அண்ணா
-நன்றி-
-அன்புடன்-
-ரூபன்-
LikeLike
நல்லதுப்பா வந்துப்பார்க்கிறேன். வாழ்த்துக்களும்.. வணக்கமும்..
LikeLike
சிறந்த மொழி விழிப்புணர்வுக் கவிதை
LikeLike
மிக்க நன்றியும் வணக்கமும் யாழ்..
LikeLike