அப்பா அடிச்சா அது தர்ம அடி..

13788634_f520

டித்தாலும் திட்டினாலும்
முண்டம் முண்டமென மண்டையில் கொட்டினாலும்
அப்பா வீட்டிலிருக்கும் நாட்கள் தான்
எங்களுக்கு வசந்தமான நாட்கள்..

அப்பா கையில் அடி வாங்குவது
அவ்வப்பொழுது இறந்து பிறப்பதற்கு சமம்..

நம்மை புதிதாகப் பெற்றெடுக்க
அனுதினமும் நெஞ்சில் சுமக்கும் அம்மாக்களாகவே
நிறைய அப்பாக்களும் இருக்கிறார்கள்..

அப்பா திட்டுகையில் என்றேனும்
அப்பா அடிக்கையில் என்றேனும்
பாவம் அப்பா என்று யோசித்திருக்கிறீர்களா ?

உண்மையில் அப்பாக்கள் பாவம்.

 
நான் அடிவாங்கிக்கொண்டு
தூங்குவதுபோல் படுத்திருப்பேன்,
பிள்ளை உறங்கிவிட்டானென எண்ணிக்கொண்டு
அப்பா என்னருகில் வந்து
அவரடித்த இடத்தில் தடவிக்கொடுத்துவிட்டு
லேசாகவொரு முத்தத்தையும் இடுவார்; எனக்கு
மறுநாளும் அந்த முத்தத்திற்காகவே
இன்னொரு அடிவாங்க உள்ளே அன்பூறும்..

விடிகாலையில் அப்பா
வேலைக்கு புறப்படுகையில் எப்பொழுதும் தருமந்த
சின்ன முத்தத்தைவிட,
நாங்கள் உறங்குவதுபோல் படுத்திருக்கையில்
வெளியிறங்கும் முன் அருகில் வந்து

என் செல்லப் பாப்பாவெனச் சொல்லி
அழுந்தத் தருமந்த முத்தம் அப்படியொரு சுகமானது..

எங்கப்பா பெரிய ஹீரோவெல்லாம் இல்லை
ஆனால் நல்ல மனிதரென்று
எத்தனைப் பிள்ளைகள் புரிந்துள்ளீர்கள்??

காலம் முழுக்க
எனதம்மாவின் முந்தானைக்குள் விழாமல்
அவளை அடுப்படிக்குள் மட்டுமே அடைக்காமல்
அவருக்குச் சமமாக அவளை வைத்திருக்கும்
என்னப்பா
எனக்கு கதாநாயகன் தான்..

அப்பா கொஞ்சும் கொஞ்சல்களைப் போல
உலகில் வேறு சிறந்த மகிழ்ச்சியில்லை,
அவர் மீசைக் குத்திய முத்தத்திற்கு ஈடு
உலகில் வேறு பரிசே கிடையாது,
அப்பாவின் வாசனைக்கு ஈடாக
இன்னொருவர் இனி பிறக்கப்போவதேயில்லை.,

உண்மையில்
எங்களை உயிராக்கியவள் அம்மா,
அதை தனதுயிராக்கிக் கொண்டவர் அப்பா!!
—————————————
வித்யாசாகர்

About வித்யாசாகர்

நள்ளிரவில் தூங்கி நள்ளிரவில் எழுந்து முழு இரவையும் தொலைத்து வாங்கிய எழுத்துக்களில் - ஒரு இதயம் விழித்துக் கொண்டாலும் வெற்றி என்பேன் தோழர்களே!
This entry was posted in உன்மீது மட்டும் பெய்யும் மழை and tagged , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , . Bookmark the permalink.

1 Response to அப்பா அடிச்சா அது தர்ம அடி..

  1. Pingback: அப்பா அடிச்சா அது தர்ம அடி.. – TamilBlogs

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s