பறக்க ஒரு சிறகை கொடு.. 5

Posted on ஜூன் 18, 2010 by வித்யாசாகர்
தொட எண்ணினால் இனிக்குமோ
பார்த்தால் கவருமோ 
பார்த்த பின் மயக்கமோ
மயங்கினால் சிரிக்குமோ
சிரித்தால் சொர்கமோ
சொர்க்கம் தரையிலோ
நடக்கும் பெண்ணிலோ
பெண்ணென்றால் பூவோ
சுடும் தென்றலோ
சொல்லியடங்கா எல்லையின் விரிவோ
விரிந்த வான் மனமோ
ஆழக் கடல் எண்ணமோ  
என்னெல்லாம் எழுதினேன் –
அவள் எழுதிய என் காகிதத்தை படித்து
மடித்துக் கொண்ட பின் –
ஒற்றை பார்வையின் சிரிப்பில் உதிர்த்தாள் 
அவள் காதலை!
———————————————————————-
Posted in காதல் கவிதைகள், பறக்க ஒரு சிறகை கொடு.. | Tagged , , , , , | 2 பின்னூட்டங்கள்

பறக்க ஒரு சிறகை கொடு.. 4

Posted on ஜூன் 18, 2010 by வித்யாசாகர்
உனை நான்
தூர நின்று பார்ப்பேன்
கற்பனையில் நெருங்குவேன்
கண்ணியத்தில் தொடுவேன்
காற்றுக்கும் தெரியாமல் மனதால் ரசிப்பேன்
உனை பார்க்கும் போது கூட
உன்னிடம் –
பார்ப்பதை காட்ட அச்சப் படுவேன்;
 
பேசினால் வார்த்தையினூடே தெறிக்கும்
காதலையும் விழுங்கி விழுங்கி பேசுவேன்;
 
அதலாம் மீறி
எப்படியோ உனக்குத் தெரிந்து விட்டது
நானுன்னை நேசிப்பது.
 
நீ என்னிடம் மிக நன்றாக பேசுகிறாய்,
சிரிக்கிறாய்,
என்னை தொடுகிறாய்,
என்னோடு மட்டுமே அதிக நேரமிருக்கிறாய்,
தூர நிற்கையில் குரலெழுப்பி அழைக்கிறாய்
அருகே; மிக அருகே ஒட்டி நிற்க
முயல்கிறாய்,
இதில் எதை காதலென்று சொல்லி
உனை  காதலிப்பதாய் சொல்வேனோ?
 
வேண்டுமெனில் ஒன்று செய் –
இம்மடலை படி
படிக்கமட்டும் செய்
நாளை சந்திக்கையில் படித்துவிட்டேனெனத்
திருப்பிக் கொடு. 
 
பிறகு பார்  
நீ என்னை பார்க்கும் பார்வையில் –
நானுன்னை நெருங்கும் மௌனத்தில்
உன் கண்ணும் என் கண்ணும்
நம் காதலை நிறையவே பேசும்!!
———————————————————————-
Posted in காதல் கவிதைகள், பறக்க ஒரு சிறகை கொடு.. | Tagged , , , , , | பின்னூட்டமொன்றை இடுக

பறக்க ஒரு சிறகை கொடு.. 3

Posted on ஜூன் 18, 2010 by வித்யாசாகர்
உனக்கும் எனக்கும்
ஜாதியென்றும்
மதமென்றும்
இனமென்றும்
பணமென்றும்
இல்லையென்று
ஏழையென்றும்
எத்தனை பேதங்கள் வேண்டுமாயினும் 
இருந்து போகட்டும்; 
பிடிக்கவில்லையென்ற 
ஒன்றை தவிர! 
———————————————————————-
Posted in காதல் கவிதைகள், பறக்க ஒரு சிறகை கொடு.. | Tagged , , , , , | 2 பின்னூட்டங்கள்

பறக்க ஒரு சிறகை கொடு.. 2

Posted on ஜூன் 18, 2010 by வித்யாசாகர்
நீ பார்க்கும்
கண்ணாடியில் என்
நினைவு படர்ந்ததுண்டா?
 
நீ விளக்கும் பற்பசையில்
என் நினைவு –
இனித்ததுண்டா??
 
நீ எழுதும்
எழுத்துக்களில்
என் பெயர் தெரிவதுண்டா?
 
நீ பார்க்கும்
பார்வையில்
எனக்கான தேடலை வைத்திருக்கிறாயா???
 
தேடித் பார்..
எங்கேனும் உனக்குள் நான் 
நிச்சையம் இருப்பேன் –
 
இல்லையெனில்
எனை பார்க்காதே 
யாருக்கும் தெரியாமல் சிரிக்காதே
தெருமுனை சென்று திரும்பாதே
என்னருகே வந்து மௌனமாய் நிற்காதே
 
உன்னிடம் எனக்கென
ஏதும் இல்லாதலில்
நானும் எனக்கென
என்னிடம் ஒன்றுமேயில்லை என
எண்ணிக் கொள்கிறேன்;
உயிரும்!
———————————————————————-
Posted in காதல் கவிதைகள், பறக்க ஒரு சிறகை கொடு.. | Tagged , , , , , | பின்னூட்டமொன்றை இடுக

பறக்க ஒரு சிறகை கொடு.. 1

Posted on ஜூன் 18, 2010 by வித்யாசாகர்
ஒரு உயிர் பூத்த
நெருப்பாகத் தான்
என்னுள் நுழைந்தாயடி..
 
என் உயிரின்
ஆழம் வரை
நினைவுகளாய் பற்றி எரிந்தாயடி..
 
உன் ஒரு சொல்
வார்த்தைக்காய்
துடிக்க வைத்தாயடி..
 
உன் கடைக்கண்
பார்வைக்காய்
நாலும் தவித்தேனடி..
 
நீ சுற்றித் திரிந்த
தெருவெல்லாம்
நானும் அலைந்தேனடி..
 
நீ தொட்ட
பொருளெல்லாம்
சேர்த்து வைத்தேனடி..
 
நீ கோரும்
விருப்பத்திற்கே
வாழ்வை சமைத்தேனடி..
 
நீ இல்லாத
நொடியையும் கூட
சபித்தேனடி..
 
உனக்குப் பிடிக்காத
என்னையும்
வெறுத்தேனடி..
 
காதல் காதல் என்றே
உன்னில் –
கரைந்தேனடி..
 
சாதல் சாதலொன்றும் 
பெரிதில்லை – 
நீயின்றி நிச்சையம்; இறப்பேனடி..
 
நீ மட்டும்
உண்டென்றால் –
 
உண்டென்றால்ல்ல்ல்….?
 
வேறென்ன –
இனிக்க இனிக்க நகரும்
தருணங்களில் – இரண்டு கைவிரித்து வானில்
பறப்பமோடி;
உலகத்தை நம் சிரிப்பொலியில்
நித்தமும்.. நித்தமும்.. நிறைப்போமடி!!!
———————————————————————
வித்யாசாகர்
Posted in காதல் கவிதைகள், பறக்க ஒரு சிறகை கொடு.. | Tagged , , , , , | 2 பின்னூட்டங்கள்