கரோனா வைரசும் கவனமும்…

ன்பு வணக்கம் உறவுகளே,

நலமாக உள்ளீர்களா? நாங்களிங்கு நலம். நீங்களும் மகிழ்ந்து தனிமை ருசித்து குடும்பத்தோடு மகிழ்ந்திருக்க ஒரு நல்ல தருணமென இத் தருணத்தைக் கருதி, வீட்டின் சின்ன சின்ன வேலைகளை செய்தவாறு, நல்ல புத்தகங்களை வாசித்தவாறு, நல்ல திரைப்படங்களைக் கண்டு மகிழ்ந்தவாறு நிறைவோடு உடலாரோக்கியத்தோடு இருங்கள்.

இடையிடையே இப்படி ஐயா மருத்துவர் கீழுள்ள காணொளியில் சொல்வதைப்போல கேட்டு நல் பயிற்சி சிந்தனை ஆழ்மன தியானமென வாழ்க்கையை சீரமைப்போடு அமைத்துக்கொண்டு சுகமாக வாழுங்கள்.

ஆங்காங்கே தொண்டு செய்யும் அமைப்புகளில் பலர், நல்ல குடும்பங்கள் சார்ந்து பலர் தினக்கூலி வாங்கிவந்த குடும்பங்களை அடையாளங் கண்டு இந்நேரத்தில் தெய்வங்களைப் போல நின்று உதவுகின்றனர். அவற்றை அவ்வாறே இயன்றளவு எல்லோரும் செய்வோம். செய்வோர்க்கு உதவுவோம்.

எல்லாம் நன்றே. அனைத்தும் நன்மைக்கே. உயிர் போதலொன்றே கொடுமை அன்றி கரோனா மனிதர்க்கு உலவளவில் நல்ல பாடத்தைத் தந்துள்ளது. உயிரின் அருமையை உணர்ந்துகொள்ள வாய்ப்பளித்திருக்கிறது. நாம் தான் பயத்தில் அரண்டிருக்கிறோம், இன்ன பிற உயிர்கள் இந்த ஓரிரு வார காலமாக உள்ளாசத்தோடு திரிகிறது. பறவைகட்கெல்லாம் வசந்தம் வந்ததாய் எண்ணி கூடிப் பேசி மகிழ்கிறது.

இங்கு தான் நாம் சிந்திக்கவேண்டும். வாழ்க்கையை உற்றுப் பார்த்து சரிசெய்ய சந்தர்ப்பம் அமைகையில் நாம்தான் விட்ட குறைகளை தொட்ட குறைகளை முயன்று சரிசெய்து கொள்ளவேண்டும்.

ஆயிரம் வேலை ஆயிரம் பிசி ஆயிரம் விழாக்களென ஆயிரங்களோடு ஓடிக்கொண்டிருந்த கோடிகளையும் களவில்லாது ஓடிக்கொண்டிருந்த ஏழைகளையும் உட்காருடா கீழேவென இயற்கையின் ஒரு சின்ன கிருமி நம்மை அதட்டி உட்காரவைத்து விட்டது.

அதே டெக்னாலஜி, அதே வாகனங்கள் அதே பிசியான மனிதர்கள் அனைத்தையும் காலுயாக்கிப் போடலடுவிட்டது கரோனா வைரஸ். இந்த வாழ்க்கையை இந்த வழிமுறைகளை இந்த பிற உயிர்களுக்கு உகன்ற பொழுதை அமைத்துக்கொள்ள நாம் ஏன் கொஞ்சம் காலத்திற்குமாய் சிந்திக்க கூடாது?

சிந்தியுங்கள். எல்லாம் நன்மைக்கே. என்றாலும் இன்னல் வரும்போதே நாம் இன்னும் கொஞ்சம் தெளிவோடும், மேலான முயற்சிகள், நம்பிக்கைகள், வரும் முன் காக்கும் திட்டங்களோடும் மிக கவனமாக இருத்தல் வேண்டும்.

அரசும் மக்களும் உடனிருப்போரும் அவரவரால் இயன்றதை அவரவர் செய்வார்கள்; ஆனால் அவர்களால் உயிர் தர இயலாது. உயிர் நம்மிடம் தான் இருக்கிறது. நம்முயிரை நாம் தான் நன்றே சுவாசித்து சுகாதாரம் காத்து நலமுடன் காலத்திற்குமாய் பேணவேண்டும்.

எனவே தெளிந்து நிறைந்து சிந்தித்து நற்செயலாற்றி மகிழ்வோடிருங்கள். அனைவருக்கும் என் வாழ்த்து. அனைவருக்கும் எனதன்பு வணக்கம்🌿

வித்யாசாகர்

Posted in அறிவிப்பு | Tagged , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , | பின்னூட்டமொன்றை இடுக

தென்னிந்தியக் கவிஞர் எழுத்தாளர் திரு. வித்யாசாகர் அவர்களுக்கு கலைமாமணி விருது…

தமிழா ஊடக வலையமைப்பின் ஏற்பாட்டில் சம்மாந்துறை மண்ணில் களைகட்டிய மாபெரும் மாணவக் கவியரங்கம்.

சென்ற 24.02.2020 மாலை 3.00 மணிக்கு சம்மாந்துறை அப்துல் மஜீட் மண்டபத்தில் பாவலர் பசீல் காரியப்பர் நினைவரங்கில் வரலாற்றின் பெருந்தடமாக மாணவர் கவியரங்கம் நடைபெற்றது. இக்கவியரங்கத்திற்கு தென்னிந்தியக் கவிஞர் எழுதாளர் பன்முக ஆளுமை உயர் திரு வித்யாசாகர் ஐயா அவர்கள் தலைமை தாங்கி இருந்தமை சிறப்பம்சமாகும். சம்மாந்துறை வலயக்கல்விப் பிரிவுக்குட்பட்ட அனைத்து இடைநிலை, உயர்தரப் பாடசாலைகளையும் உள்வாங்கி கவியரங்கில் மாணவரைப் பங்கேற்கும் வகையில் அழைப்பு விடுக்கப்பட்டது. மொத்தமாக ஐம்பது மாணவர்கள் கலந்து கொண்டனர். வித்யாசாகர் ஐயாவின் நெறிப்படுத்தலில் 13 கவிஞர்கள் தெரிவு செய்யப்பட்டு அதில் 8 பேர் தொனிப் பொருளுக்குத் தக்கவாறு எழுதிய மாணவர்களின் கருத்தாழம், மொழியாட்சி, சமத்துவச் சிந்தனை, சமூகத்தின்பால் அக்கறை போன்றவை கவனத்திற் கொள்ளப்பட்டு அரங்கத்தில் கவிதை வாசிக்கும் தகுதியைப் பெற்று பட்டை தீட்டப்பட்டனர். ஏனைய ஐந்து கவிஞர்களும் சிறப்புக் கவிதைபாடும் தகுதிக்கு தெரிவு செய்யப்பட்டமை குறிப்பிடத்தக்கதாகும்.

இக்கவியரங்க நிகழ்வுகள் இலங்கை ஜனநாயக சோசலிசக் குடியரசின் தேசிய கீதத்துடன் ஆரம்பித்து வைக்கப்பட்டது. பின் சர்வமத ஆராதனையுடன் தமிழ்த்தாய் வாழ்த்து, செம்மொழி வாழ்த்து என்பவை பாடசாலை மாணவர்களால் இசைக்கப்பட்டது. தொடக்க உரையை தமிழா ஊடகப் பணிப்பாளர் எஸ். முகம்மது ஜெலீஸ் நிகழ்த்தினார். இந்நிகழ்வின் முன்னிலை வகிபாவத்தை சம்மாந்துறை பிரதேச செயலாளர் எஸ்.எல்.எம். ஹனீபா ஆரம்பித்து வைத்தார். வரவேற்புரையை தமிழா ஊடக வலையமைப்பின் ஆலோசகர் மு.இ. அச்சிமுகம்மட் நிகழ்த்தினார். பாவலர் பசீல் காரியப்பர் நினைவுரை கவிஞர் மன்சூர் ஏ காதிர் அவர்களால் உரை நிகழ்த்தப்பட்டது. பல்வேறு கலை நிகழ்ச்சிகளுடன் சம்மாந்துறை மண் களைகட்டியது. இதன் பின் சரியாக 5.00 மணிக்கு மாணவர் கவியரங்கம் இடம்பெற்றது. தலைமைக் கவிஞர் பன்முக ஆளுமை உயர் திரு வித்யாசாகர் ஐயா அவர்கள் மாணவர்கள் புடைசூழ அழைத்துவரப்பட்டமை காண்போர் மனதை நெகிழச் செய்தது. 

பல்வேறு போட்டிகளிலும் பங்கு பற்றி வெற்றியீட்டிய மாணவர்களுக்கு பரிசில்களும் சான்றிதழ்களும் வழங்கப்பட்டன. மூத்த கவிஞர் பாவேந்தல் பாலமுனை பாறூக் பொன்னாடை போர்த்தி கௌரவிக்கப்பட்டார். பிரதம அதிதியாகக் கலந்து கொண்ட சம்மாந்துறை வலயக்கல்விப் பணிப்பாளர் எம்.எஸ். சஹுதுல் நஜீம் சேர் அவர்கள் நிகழ்வுகள் குறித்து உரை நிகழ்த்தினார். மூன்று கவிதை நூல்கள் அரங்கில் வெளியிட்டு வைக்கப்பட்டமை இந்நிகழ்வின் சிறப்பம்சமாகும். குறிப்பாக 50 மாணவச் செல்வங்களின் கவிதைகள் அடங்கிய ‘துளிர்களின் பெருநிலம்’ என்ற பெயரில் பணிப்பாளர் எஸ்.எம். ஜெலீஸ் அவர்களால் தொகுக்கப்பட்டு வெளியிட்டமை அனைவரதும் பாராட்டைப் பெற்றது. பன்முக ஆளுமை உயர் திரு வித்யாசாகர் ஐயா அவர்களால் எழுதப்பட்ட ‘ஞானமடா நீ எனக்கு’ எனும் கவிதை நூல் மாணவர்களுக்கும் அதிதிகளுக்கும் வழங்கப்பட்டமை அனைவரது கவனத்தையும் ஈர்த்தது. மு.இ.அச்சிமுகம்மட் அவர்களால் ‘எனது நிலமும் நிலவும்’ எனும் கவிதை நூலின் முதல் பிரதி பன்முக ஆளுமை உயர் திரு வித்யாசாகர் ஐயா அவர்களுக்கு வழங்கி கௌரவிக்கப்பட்டது. 

தமிழா ஊடக வலையமைப்பின் பணிப்பாளர் திரு.செ.மு.ஜெலீஸ் அவர்கள் தனது அமைப்பின் சார்பாக ஏறக்குறைய இருபது வருடங்களுக்கும் மேலாக கலைத்துறைக்கு ஆற்றிய பங்களிப்பின் பன்முகத்தன்மையைப் பாராட்டி கலைமாமணி எனும் அதிஉன்னத விருதை பன்முக ஆளுமை உயர் திரு வித்யாசாகர் ஐயா அவர்களுக்கு சபையோர் முன்னிலையில் இலங்கை தேசத்தின் சார்பாக வழங்கி கௌரவித்தமை எல்லோருக்கும் பெருமிதத்தைத் தந்தது.

தமிழா ஊடகப் பணிப்பாளர் எஸ்.எம்.ஜெலீஸ் அவர்களின் மகத்தான பல வெற்றிப் பணிகளைப் பாராட்டி முகில் பதிப்பகத்தின் சார்பில் அதன் நிறுவனர் ‘வெற்றி வேந்தன்’ எனும் அதி உன்னத கெரவத்தை சபையோர் முன்னிலையில் வழங்கி கௌரவம் செய்தார். அத்துடன் தமிழின் தொன்மையை வெளிக் கொணரும் வகையில் கவிதைப் படைப்பிலக்கியத்தில் பங்காற்றியமைக்காகவும் பல படைப்புகளின் தமிழாழ தகுதி அறிந்தும் சபையோர் முன்னிலையில் கவிஞர் திரு. மு.இ. அச்சிமுகம்மட் அவர்களுக்கு ‘சந்தக்கவி’ எனும் நாமத்தைச் சூட்டி சபையோர் முன்னிலையில் கௌரவம் அளிக்கப்பட்டது.

செய்தி – தமிழா ஊடக வலையமைப்பு, இலங்கை

Posted in அறிவிப்பு | Tagged , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , | பின்னூட்டமொன்றை இடுக

இலண்டன் பாராளுமன்றத்தில் வித்யாசாகர் அவர்களுக்கு வழங்கிய “இலக்கியச் சிகரம்” விருது…

ங்கிலாந்து நாட்டின் “ஐந்தாவது உலக பொருளாதார முன்னேற்றம் மற்றும் தமிழ்  சாதனையாளர்கள் விருது விழா – 2019” கடந்த திங்கட் கிழமை நாள் 09.09.2019 அன்று இலண்டன் பாராளுமன்றத்தில் மிகச் சிறப்பாக நடந்தேறியது. பல நாட்டு தொழிலதிபர்களின் முன்னிலையிலும், இங்கிலாந்து நாட்டின் பாராளுமன்ற உறுப்பினர்கள் மற்றும் அங்குள்ள பிற தமிழ் அமைப்பினர்களின் போற்றுதலோடும் இவ்விருது விழா மிகச் சிறப்பாகக் கொண்டாடப்பட்டது.

உலகத் தமிழர் அமைப்பு (WTO ) மற்றும் கூட்டமைப்பின் தலைவர் திரு. ஜேகப் ரவிபாலன் இந்நிகழ்ச்சியை முன்னின்று நடத்த,  நடன ஆசிரியர் மற்றும் சன் தொலைக்காட்சி புகழ்மங்கை திருமதி.திவ்யா அவர்கள் தொகுத்து வழங்கினார்.

இந்நிகழ்வில், உயர்த்திரு. நியா கிரிஃபித், மார்ட்டின் வொய்ட்பீல்டு, வீரேந்திர சர்மா போன்ற இலண்டன் (MP) பாராளுமன்ற உறுப்பினர்களும், ஜெனிவா நாட்டின் (MP) பாராளுமன்ற உறுப்பினர் உயர்திரு. சசீந்திரன் முத்துவேல், டாடா (TATA ) நிறுவனத்தின் இங்கிலாந்து பிரிவுத் தலைவர் திரு. டிம் எல் ஜோன்ஸ், மற்றும் தென்னாப்பிரிக்கா, பிரான்ஸ், குவைத், ஜெர்மன், துபாய், இந்தியா, கொரியா போன்ற நாடுகளிலிருந்து பல சாதனையாளர்களும் வந்து கலந்துகொண்டு சிறப்பித்தனர்.

மதிப்புமிகு மூத்த தொழிலதிபர் உயர்திரு. விஜிபி சந்தோசம், தென்னாப்பிரிக்கா தொழிலதிபர் திரு. கார்த்திகேசன் மூத்சாமி, குவைத் தொழிலதிபர் திரு. ஐதர் அலி போன்றோருக்கு வாழ்நாள் சாதனையாளர் விருதும், நம் சல்லிக்கட்டு நாயகன் திரு. கார்த்திகேய சேனாபதி, குவைத் கவிஞர் திரு. வித்யாசாகர், லண்டன் தொழிலதிபர் திரு. ஜாஹிர் உசேன்,நம் சல்லிக்கட்டு நாயகன் திரு. கார்த்திகேய சேனாபதி, பிரான்சிலிருந்து வந்திருந்த திருமதி. ரேஷ்மி  ஜவகர் கணேஷ், ஆக்ஸ்போர்ட் பல்கலைக்கழகத்திலிருந்து முனைவர் திரு. குமரன் கவுண்டர், இளம் தொழில் வல்லுநர்கள் திரு. சுகேந்திரன் மூலே மற்றும் திரு. அகமத் வதூத்  போன்றோருக்கு சாதனையாளர் விருதும் வழங்கி இம்மாமன்றம் பல நாட்டு திறமையாளர்களை கௌரவித்தது.

இவ்விழாவில் கவிஞர் திரு. வித்யாசாகர் அவர்களுக்கு அவரது தமிழ் ஆளுமை, படைப்பு நேர்த்தி, மற்றும் பல தமிழ்ப் பணித் திறன்களைப் பாராட்டி  “இலக்கியச் சிகரம்” என்ற பட்டமும் தந்து (WTO ) உலக தமிழர் அமைப்பு பெருமைச் சேர்த்தது.

தொழில் முன்னேற்றம் மற்றும் பல நாடுகளில் உள்ள தொழில்வளம் பற்றியெல்லாம் வந்திருந்த சிறப்பு விருந்தினர்கள் கருத்து பரிமாறிக்கொண்டனர். அமைப்பின் மூத்த உறுப்பினர்கள் விருது பெற்ற அனைத்து திறனாளர்களுக்கும் வாழ்த்தினை தெரிவிக்க, வந்திருந்த விருந்தினர்கள் அனைவருக்கும் அமைப்பின் தலைவர் உயர்திரு. ஜேகப் ரவிபாலன் அவர்கள் நன்றி பாராட்டி விழாவை நிறைவு செய்தார்

Posted in அறிவிப்பு, விருது விழாக்கள் | Tagged , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , | பின்னூட்டமொன்றை இடுக

நான் என்பது செருக்கல்ல; எனது நம்பிக்கை…

வானந் தொடுந் தூரம்
அது நாளும் வசமாகும்,
பாடல் அது போதும்
உடல் யாவும் உரமேறும்;

பாதம் அது நோகும்
பாதை மிக நீளும்,
காலம் ஒரு கீற்றாய்
காற்றில் நமைப் பேசும்;

கானல் எனும் நீராய்
உள் ளாசை வனப்பூறும்,
மூளும் நெருப் பாளும்
நிலமெல்லாம் நமதாகும்;

கனவே கொடை யாகும்
கடுகளவும் மலை யாகும்,
முயன்றால் உனதாகும்
உழைப்பால் அது பலவாகும்;

நேசம் முதலாகும்’நொடி
தேசம் உனதாகும்,
அன்பில் பிரிவில்லை’ உயி
ரெல்லாம் அமுதூறும்

வெற்றி நிலை யாகும்
மனம்போல அது மாறும்,
கடல் மூடும் அலைபோல
நினைப் பொன்றே  வரமாகும்;

நானென்று கொண்டாய்
இனி நாமென்று காணேன்
உடல் தீதொன்று மில்லை
உள் உள்ளே நான் நீயே!
—————————————————–
வித்யாசாகர்

Posted in சொட்டும் வியர்வையில் சுதந்திரக் கனவுகள் | Tagged , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , | பின்னூட்டமொன்றை இடுக

அப்பா யெனும் வனம்..

மிதிவண்டியில்
அரை பெடல் அடித்த
நாட்களவை..

எங்களின் கனவுகளையும்
வாழ்வின் ரசனைகளையும்
அப்பாவின் கண்களின் வழியே கண்ட நாட்களது;

மதில்சுவற்றில் எட்டி செம்பருத்தியையும்
கறிவேப்பிலையையும் தின்றுவிட்டு
தெருநடுவில் சாணம்போட்டுப் போகும் மாடுகளை
மந்தையாக விரட்டிவிடும் அப்பா தான்
எங்களுக்கெல்லாம் மருது பாண்டியும்
மதுரை வீரனும்;

அப்பாவோடு இருந்த நாட்கள்
உண்மையிலேயே நந்தவன நாட்கள்,
அவர் பூப்பது பற்றி பேசினால்
கேட்கையில் நாசிக்குள் மணக்கும்,
அவர் பார்ப்பது பற்றி பேசினால்
நினைக்கையில் நெஞ்சுக்குள் இனிக்கும்
அப்பாவிற்கு மட்டுமே தெரிந்த மந்திரமது;

அதெப்படியோ தெரியவில்லை
கையெழுத்து போடத் தெரியாதவர் தான் என்றாலும்
எங்களின் தலையெழுத்தை
தெரிந்துவைத்திருந்தவர் அப்பா மட்டுந் தான்
அப்பாவொரு அறிவினுடைய வனம்
அன்பின் ஆழ்கடல்
அப்பா மட்டும் யாருக்கும் இறக்கவே கூடாது;

அந்த மீசை மாதிரி அழகு
அவர் தொப்பை போல விளையாட்டு
அவர் தோள்மேல தூக்கம்
அவர் கூட அமர்ந்து சாப்பாடு
அவர் நடக்கும் போது வீரம்
எங்களுக்கு ஒண்ணுன்னா துடிக்கும் துடிப்பு
அப்பப்பா.., அப்பாக்கள் எப்போதுமே
அப்பாக்கள் தான்;

அப்பாவிற்கு மட்டுந்தான்
நினைத்ததும் ஆயிரம் சிறகுகள் முளைக்கிறது,
அப்பாக்களால் மட்டுமே
ஆண்கள் எனும் தணல் உள்ளத்தே
நீர் வார்த்ததைப் போல் அணைகிறது,
பொதுவாகப் பெண்களுக்கு
அப்பா தான் முதல் தாய்,
ஆண்களுக்கு அப்பா தான் முதல் தோழன்;

சாமியைப் போல் அவர்
கும்பிட்டாலும் கும்பிடாவிட்டாலும்
மதித்தாலும் மதிக்கவிட்டாலும்
கேட்டாலும் கேட்கவிட்டாலும்
திட்டினாலும் கோபித்துக்கொண்டாலும்
நம்மை குழந்தைகளாக மட்டுமே
பார்க்கும் அப்பாக்கள் அப்பாக்கள் தான்,
அப்பாக்கள் மாறுவதேயில்லை
எனக்கும் அவளுக்கும்
எனக்கும் அவனுக்கும்
அப்பாக்கள் ஒரு மாதிரி தான்;

வாழ்க்கை தான் கணப்பொழுதில்
மாறிவிடுகிறது,
திடீரென மறையும் நட்சத்திரத்தைப்போல
அப்பாக்களும் மறைந்துவிடுகிறார்கள்,
மனது மட்டுமென்னவோ
அப்பாக்களுக்கு மகனாகவும்
அப்பாக்களுக்கு மகளாகவுமே
தன்னை எண்ணிக்கொண்டு உயிரோடு நகர்கிறது..
—————————————————–
வித்யாசாகர்

Posted in சொட்டும் வியர்வையில் சுதந்திரக் கனவுகள் | Tagged , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , | பின்னூட்டமொன்றை இடுக