வித்யாசாகரின் எழுத்துப் பயணம்..

இன்று நம் குழந்தைக்கு
பிறந்த நாள்;
ஏதேனும் நல்ல பரிசாக
வாங்கிக் கோடு –
தயவு செய்து
இன்றொரு நாலாவது
‘அப்பா இன்று வந்துவிடுவேனென்று’ சொல்லி
ஏமாற்றாதே!
——————————————————-

உனக்கும் எனக்குமிடையே
நான்காயிரம் மயில்கள் தூரத்தில்
நகர்கிறது வாழ்க்கை;
நம் அக்கம்பக்கத்தார்களுக்குத் தான்
நான் ஃபாரினிலிருந்து –
செண்டு வாங்கிவரவில்லை யெனக்
கவலை!
————————————————————

கவலை படாதே..
இந்த முறை
நான் ஊருக்கு வந்தால்
அங்கேயே தங்கி விடுகிறேன்;

ஏன் சிரிப்பு???

இப்படி சொல்லி சொல்லித் தான்
பத்து வருடங்களை –
இங்கேயே கழித்து விட்டேனோ;

பரவாயில்லை – வருத்தப் படாதே
நாம் தொலைத்த ஆசைகளின்
வருமானத்தில் –
நம் பிள்ளைகளின் வாழ்கையையாவது
நம்மூரிலேயே வாங்கித் தருவோம்!
———————————————————–

இன்று எனக்குப்
பிறந்தநாள்

புது துணியுடுத்தி
எல்லோருக்கும் இனிப்புக் கொடுத்து
தொலைபேசியில் எல்லோரிடமும்
வாழ்த்துப் பெற்றுக் கொண்டு
வீட்டிற்கு வந்து கண்ணாடி பார்கையில்

கண்களின் ஓரம் –
ஒரு சொட்டுக் கண்ணீர் சுட்டது;

தூக்கம் கலைவதற்குள் நீ வந்து
என் காதுகளில் கிசுகிசுக்காத
பிறந்த நாள் ஒரு பிறந்த நாளா!
———————————————————

தொலைபேசியில்
பேசும்போது –
ஏதோ நீ பேச வந்ததை
பாதியில் நிறுத்தினாய்;
நாம் கடந்த இரவுகளின்
மிச்ச ஆசைகள் என்று நினைக்கிறேன்;
தயவுசெய்து –
கடிதத்தில் கூட அவைகளை
எழுதிவிடாதே,
இன்னும் –
ஒன்றரை வருடத்திற்கு மேல் சுமக்க
எனக்கு பலமில்லை!
——————————————————–