Category Archives: கவிதைகள்

சந்தேகத்தோடு பார்த்த கண்களுக்கு சூரிய வெளிச்சம் கூட சூனியம் ஆகிறது; நம்பிக்கையோடு வாழ்பவரின் வாழ்க்கையில் – சூனியமும் சூன்யம் கொள்கிறது!

உன் கண்ணும் என் கண்ணும் பேசி பேசியே தீர்கிறது உயிர் வாழ்தலை!

நீ பவுடர் பூசிக் கொண்டு எனை பார்த்து அழகு விசாரித்ததில் நான் தான் அழகானேன்!

சொல்லில் பொருளில் பேச்சில் எதிலுமே புரிவதில்லை வாழ்க்கை!

மேய்ந்து கொண்டிருந்த கோழியை துரத்திப் பிடித்து கழுத்தை அறுத்து தோலை உரித்து கண்டம் துண்டமாக வெட்டி வறுத்து தின்று விட்டு ஏப்பம் விடுகையில் கொலையற்று போகிறது ஒரு உயிரின் இழப்பு!