Category Archives: விடுதலையின் சப்தம்

பசுமை வளர்த்த இனம் – பிறப்பு இறப்பு பதிவின்றி பிணங்களாய் குவிந்தது வரலாற்றில்!

மயான கிடங்காய் நீண்டது – முல்லைவாய்க்கால், வெறும் செய்தியாக மட்டுமே – காண்பிக்கப் பட்டது தமிழரின் மரணம்!

ஈழத்தின் வருடங்களை கடந்த இருட்டு, ஜெயிப்போ தோற்ப்போ என்பதான பயம், இரண்டிலொன்றை பார்ப்போமென்ற நம்பிக்கை.. எதையுமே பார்க்கவில்லை சிங்களன் வீசிய நச்சுகுண்டு; நியாயத்தை விழுங்கிக் கொண்டதில் நச்சு – பிணங்களாய் கொப்பளித்தன!

முல்லைவாய்க்கால் பகுதியில் வீட்டிற்கு வீடு ஒருவர் போரில் மரணம். வீட்டின் – அத்தனை பேரும் சிங்களன் வீசிய நச்சு குண்டிற்கு நரபலி தகனம்!

விடுதலை என்னும் ஒற்றை வார்த்தைக்கு எத்தனை மரணம்? எத்தனையோ மரணங்கள் நேர்ந்த பின்னும் சிங்கள குண்டுவெடி சப்தத்தில் கேட்கவேயில்லை விடுதலை என்னும் ஒற்றை சொல்!!