வித்யாசாகரின் எழுத்துப் பயணம்..

நெடுந்தூர
பயணத்திற்குப்
பின்னும் –

உன்னைவிட்டு நான்
பிரியவேயில்லை;
சிரிக்கிறார்கள் சிலர்
நான் –
சொல்வதை கேட்டு!
————————-

வாழ்வின்
அத்தனைத்
துயரத்திற்கு
மத்தியிலும்;
எப்படி இனிக்கிறதோ
உன் முத்தம்!
———————-

மணமகன் : கோ.விஸ்வநாதன் மணமகள் : கு.புனிதா

நாள்: 04.02.2010

திருமண வாழ்த்து!

பூப்போல பூப்போல மனசிருக்கு
உனக்கு வாழ்வெல்லாம் இனிப்பான வளமிருக்கு;
தருசான நிலம் போல நீயிருக்க – உன்னை
உழுது எடுத்து உலகமளக்க வாழ்விருக்கு!

கடுகு மணி ரகசியம் தான் கத்திருக்க
முயற்சிக்கு மறு அர்த்தம் தெரிஞ்சிருக்க;
ஊருலகம் சேர்ந்து இப்போ வாழ்த்துதடா
உனக்கு மாலையிட்ட மங்கையையும் போற்றுதடா!

ஒரு சொட்டு கண்ணீரில் –
வாழ்த்து கணக்குதடா ,
நீ வாழ போற சிறப்பை சொல்ல –
வார்த்தை கிடைக்கலடா!

வாழ்ந்தோரின் வாழ்த்துக்களால்
மனசு பொங்குதடா;
நீ வாழ்வாங்கு வாழ பொண்ணு
கிடைத்துதடா!

நாளும் பொழுதும் வாழும் உயிரும்
ஒண்ணொன்னும் வாழ்வின் அனுபவம் தான்
அதில் நல்லதெல்லாம் கத்துகிட்டு –
உயர்ந்துக்கடா!

ஊரை விட்டு வந்தாலே பொண்ணு
யோசிக்குது;
இது கடல் தாண்டி புகுந்த உயிரு
போற்றி மெச்சிக்கடா!

பேரும் புகழும்; பார்ப்பவர் மகிழ்வும்;
சிந்தனை புதிதும்; சிங்கார சிரிப்பும்;
செல்வங்கள் பதினாறும் –
சொந்தமெல்லாம் கூடி வாழ்த்த பெற்றுக்கடா

தமிழ் போல சுற்றும் கதிர் போல
வட்ட நிலவின் மிதம் போல –
நீடூழி –
ஈருடல் ஒருயிருமாய் இருவரும் வாழுங்கடா.. வாழுங்கடா!
————————————————————-

அம்மாவும் நாங்களும்…

தூரம் –
நிறைய பேசுகிறது;
அருகாமை
மறைந்ததிலிருந்து!