வித்யாசாகரின் எழுத்துப் பயணம்..

மூச்சுமுட்ட
சோறு தின்று
விடும் ஏப்பத்திற்கு தெரிவதில்லை
பத்து நாள் பட்டினியின்
கொடுமை;

பத்து பைசா தட்டில்
போட்டுவிட்டால் போதும்
ஏப்பத்தின் சப்தம் –
எல்லோருக்கும்கேட்கலாம்!!
————————————————————-

ஒரு ‘கிலோ’ கத்தரிக்காய்
இரண்டு ரூபாய்;

இரண்டு ‘கிலோ’ உப்பு
ஒரு ரூபாய்;

ஒரு ‘கிலோ’ பருப்பு
பத்து ரூபாய்;

பத்து ‘கிலோ’ அரிசி
நானூறு ரூபாய் – என்று
கணக்கெழுதும் அண்ணாச்சிக்கும்
வாங்குவோருக்கும் –
‘கிலோ’ தமிழ் என்றே தெரியப் பட்டுள்ளது!
————————————————————-