வித்யாசாகரின் எழுத்துப் பயணம்..

நீ என்னிடம் பேச துடிக்கும்
உன் மனசை
உன் பார்வையால் –
மறைக்க முடிய வில்லை தான்!

நீ சற்று தள்ளி நின்று
விடை பெறுவதாக சொன்னாய்
இதயம் உனக்கு முன்னே ஓடி
உன் –
பார்வைக்குள்ளேயே சிக்கிக் கொண்டது பார்….

உன்னிடம் பேசிடாத
வார்த்தைகளை
கோர்த்துவைக்கிறேன்
வெறும் கடிதமென
கிழித்துவிடாதே!

உன் கடிதத்தின்
முடிவில் –
பிரிந்துவிடுவோமேன்று எழுதவா
இவ்ளோ பில்டப்பு!

வாசலில் தெளித்த
உன் கண்ணீரில்
ஈரமானது என் இதயம்!