8, நினைவுக் கனலிலெரியும் முகநூல் இதயம்..

1
நீ
காற்றில் அசைபவள்
கிளையுரசி உடைபவள்
விழுந்ததும் பறப்பவள்
பயணித்துக் கொண்டேயிருப்பவள்;

நான் நின்று
நீ வருவதையும்
போவதையுமே பார்த்திருக்கிறேன்;

கணினி வழி தெரியும்
கண்களிலேயே
உயிர்திருக்கிறேன்;

வாழ்வதை அசைபோட்ட படி
உன்னையும்
நினைத்துச் சிரித்திருக்கிறேன்;

வாசலை
பசியோடு திறக்கக் கேட்காமல்
சந்திக்கவேக் கேட்டிருக்கிறேன்

நீயும் சம்மதித்தாய்
பேசினாய்
பார்க்கிறாய்
இருக்கிறாய்

நீ
இருக்கிறாய் என்பதில் மட்டுமே
உயிர்த்திருக்கிறேன்..
————————————————————

2
கைதொடும்
உனதுணர்வு
மின்சாரம் கொண்டது;

பார்க்கும் தருணங்கள்
யாவும்
தவத்தை உடையது;

பேசும்
அவகாசமெல்லாம்
பாக்கியத்தைப் பொறுத்தது;

உனக்கான எல்லாமே
எனக்குத் தலைமேல்
கிரீடம் இருப்பதற்குச் சமம்!
————————————————————

3
பேச்சில்
பாதி மறைக்கிறாய்,
பேசாமலே
உயிர்த்தீ அணைக்கிறாய்,

நேசத்தின்
எல்லை விரிக்கிறாய்,
நெருங்கி என்
நிஜத்தை தொலைக்கிறாய்;

காற்றில்
பொம்மையும் பூவும்
பரிசென்கிறாய்
கடவுச்சொல்லினும் இரகசியமாகிறாய்;

பேஸ்புக்
டிவிட்டர்
ஜி-பிலஸ்
எங்கு பொத்தான்களைத் தட்டினாலும் உன் முகம் தெரியும்,
தெரியாத நாளிலென் உயிர்பிரியும்..
————————————————————

4
னக்கானச்
சொற்கள்
மௌனத்தை அணிந்தவை;

வார்த்தைகளைக் களைந்து
இதயத்தை
பார்வையால் அறுப்பவை;

காத்திருப்பிலும்
தவிப்பிலும்
நினைவுகளால் வலிப்பவை;

என்ன செய்ய
உனக்கானச் சொற்களை?

இதோ –
எழுதாமலே விட்டுவிடுகிறேன் போ..
————————————————————
வித்யாசாகர்

About வித்யாசாகர்

நள்ளிரவில் தூங்கி நள்ளிரவில் எழுந்து முழு இரவையும் தொலைத்து வாங்கிய எழுத்துக்களில் - ஒரு இதயம் விழித்துக் கொண்டாலும் வெற்றி என்பேன் தோழர்களே!
This entry was posted in நீ சிரித்தால் பனிவிழும் மலருதிரும்.. and tagged , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , . Bookmark the permalink.

8, நினைவுக் கனலிலெரியும் முகநூல் இதயம்.. க்கு ஒரு பதில்

  1. வணக்கம்
    அண்ணா.

    ஒவ்வொரு வார்த்தைகளும் மிக அற்புதமாக உள்ளது… பகிர்வுக்கு நன்றி
    -நன்றி-
    -அன்புடன்-
    -ரூபன்-

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s