வித்யாசாகரின் எழுத்துப் பயணம்..

ஒரு காதல்
கடிதமெழுதிடாத
உன் பார்வையில் தான்
நான் பெரிய புள்ளியாய்!

எப்படி எல்லாம்
நினைத்துக் கொண்டாயோ
நினைப்பாய் என்பதை மட்டும்
நினைத்துக் கொள்கிறேன் நான்!

அவசர வாழ்வின்
எங்கேனும் ஒரு புள்ளியில்
மனசு தேடாமலில்லை –
உன்னை!

உறவுகளின்
உயிரில்லா வார்த்தைகளில்
உயிர்கொள்கிறது
தனிக் குடித்தனம்!

ஒரு தலைகீழ் உலகின்
நேரான பார்வை கொள்கையில்
தாராள பட்டம் பெறுகிறது சுயம்
பயித்தியமென்று!