வித்யாசாகரின் எழுத்துப் பயணம்..

வீடு சுத்தம்
உணவு சுத்தம்
பழக்க வழக்கங்கள் சுத்தமென
இருந்த நாற்பத்தோராவது நாளில்
மனிதருக்குள்ளிருந்த –
சாமியை கண்டேனோ இல்லையோ
சாமிக்குள் இருக்கும் மனிதம் தெரிந்தது!
—————————————–
வித்யாசாகர்

எல்லோரும்
சாமி சாமி என்றழைக்கிறார்கள்
நானும் விட்டுவிட்டேன்;
உள்ளிருக்கும் சாமியை
கத்தியழைத்தாவது –
வெளியே கொண்டு வரட்டும்!
——————————–

சுத்தமான
நாற்பத்தோரு நாள் விரதத்தில்
சாமியானேனோ இல்லையோ
மனிதனானேன்!
——————————–

சாமியோ ஐயப்போ
ஐயப்போ சாமியோ
சாமி கந்தக தோம் தோம்
ஐயப்ப கந்தக தோம் தோம்
சாமி சரணம்
ஐயப்ப சரணம்;
சரணமெழுப்பிக் கொண்டு
நடந்தது சாமி;
சாமியின் கால்களில்
ஒட்டிய அழுக்கு – விடவேயில்லை!
————————————-

வீட்டின் எத்தனையோ நிகழ்வுகளை
உட்கொள்கிறது – ஒவ்வொரு கவிதையும்;
கவிதை படிக்கையில் – காரணங்கள்
அத்தனை புரிவதில்லையென்றாலும் –
காரணமின்றி ஒரு
கவிதையும் கற்பனை குதிரையில்
ஏறிவிடுவதில்லை!

என் கவிதைகளுக்கும் காரணமிருக்கிறது
காரணமில்லையென்றாலும் –
கவிதைக்காய் தேடுகிறேன்;
கவிதையில் மெய்யிருக்கட்டுமே!

இனிய அன்பு வணக்கம் தோழர்களே!