மணமகன் : தா. அருள்       மணமகள்: ஜெ. சுஜிதா         

மணநாள்: 05.06.2011

வாழ்த்துப் பா….……………………………….

என் உயிருக்குயிராய் இருந்தவளை
உயிராகவே சுமந்தவளே;
என் தங்கை இறந்தா ளென
இன்னொருத்தியாய் வந்தவளே;

என் தாய்; உனக்காக சுமக்காத பத்து மாதத்தை
எனக்காக மனதில் சுமந்தவளே;
சுஜிமா’ என்று நினைத்ததும் – அண்ணாயென
ஓடிவந்து நிற்கும் – அன்பின் சிகரமே;

ஒருநாள் விட்டுச் செல்வாயென்று தெரிந்தும்
என் இருப்பின் – எல்லைவரை
இதயத்தில் நிறைந்தவளே – என்னன்பு
உடன்பிறப்பே; இனியவளே;

நான் தூரநின்று தூர நின்றே
தூக்கி வளர்த்த – உயிர் சொந்தமே
என் சிரிப்பிற்குக் காத்திருக்கும்
இன்னொரு இனிய தோழியே; ஆருயிர் ஆனவளே;

உலகின் போதனைகளுக்கு காது கொடுக்காத
என் பாசப் பிணைப்பே –
இன்று எதிரே கண்டாலும்; அண்ணாயென வந்தெனை
கட்டிக் கொள்ளும் குழந்தை மனமே;

தொப்புள்கொடி உறவு பூண்டு
பூர்வஜென்ம மீதம் போல் – என்
வாழும் நாட்களின் வாசனையாய்
இதய கமலத்தில் வாழும் அன்புறவே –

இதோ; உனக்காய் இத்தனை வருடம் சேர்த்துவைத்த
சொற்களை எல்லாம் – சேமித்து
வாழ்த்து மலர்களாய் தூவுகிறேன் – நீ
வாழிய பல்லாண்டு; வாழ்வின் முழு சிறப்போடு!!

பேரன்புடன்.. பெருமகிழ்வுடன்…

ஈருடலாய் இன்று சேரும் ஓருயிர் சுஜிமாவிற்கும் திரு. அருளிற்கும்
இனிய திருமண நாள் நல்வாழ்த்துக்களும் இறை ஆசியும்.. உரித்தாகட்டும்!!

வித்யாசாகர்