வித்யாசாகரின் எழுத்துப் பயணம்..

குச்சிமிட்டாய் வாங்கலாம்
கொடிகுத்திப் போகலாம்
வீரம் விளைந்த மண்ணுல
விடுதலையைப் பாடலாம்…

(குச்சிமிட்டாய் வாங்கலாம்..)

சோகத்தை மாற்றலாம்
சொகுசு நிலமாக்கலாம்
கண்திறக்கும் அறிவியலால்
விண்கடந்தும் போகலாம்,

சத்தியத்தைப் பாடலாம்
சங்கெடுத்து ஊதலாம்
நித்தமும் மகிழ்ச்சியில்
மற்றவரையும் போற்றலாம்,

(குச்சிமிட்டாய் வாங்கலாம்..)

ஆண்டப் பரம்பரையை
படிக்கலாம், அவன் பட்ட வலியை
நினைக்கலாம், எட்டுத் திக்குமெமது வீரத்தை
பின் கண்ணியத்தோடு காட்டலாம்,

பட்டிதொட்டி மாற்றலாம்
படிக்கப் படிக்க பண்பைக் கூட்டலாம்
மூடதனத்துக் குப்பைகளை
மூட்டைகட்டிப் போடலாம்,

(குச்சிமிட்டாய் வாங்கலாம்..)

குடிசைகளை அகற்றலாம்
குறைந்தது பொத்தல்களையேனும் மூடலாம்
மூடியவீட்டில் அன்புநிறைத்து
முதியோரில்லாம் ஒழிக்கலாம்,

சட்டை பத்து வாங்கலாம்
அதில் இல்லார்க்கிரெண்டென நீக்கலாம்
எல்லோர்க்கும் எல்லாமும் கிடைக்க
ஆனந்தக் கூத்தாடலாம்,

அக்கம்பக்கத்துப் பசி அறியலாம்
அவரை ஒரு பருக்கைச் சோற்றாலே
அணைக்கலாம், கூடியுண்ணும்
ஒற்றுமைருசியில் நாட்டை நித்தமும் நித்தமும் காக்கலாம்..

(குச்சிமிட்டாய் வாங்கலாம்..)
————————————————————-
வித்யாசாகர்

காலம் போகுது வா வா வா..
மெல்ல மெல்லப்போகுது எழுந்து வா..
காற்றைப் போலக்கிளம்புவோம் வா வா
உலகமெங்கும் பரவுவோம் வா வா வா..

(காலம் போகுது..)

ஊழல் லஞ்சம் ஒழியனும்
பேரு நிலைக்க வாழனும்
ஏழைமக்கள் வருத்தமெண்ணி
வாழ்க்கை நமக்கு அமையனும்!

(காலம் போகுது..)

ஊட்டச்சத்துச் சோறுண்ணு
இரவுநேரம் உறங்கனும்
விடியும் காலை விளையாடி – நம்
தமிழர் வீரம் மீட்டனும்!

(காலம் போகுது..)

ஆங்கிலமும் கற்கனும்
அடுத்த மொழிகள் தெரியனும்
தாயை வணங்கும் பிள்ளைப்போல
தமிழை உயிராய் மதிக்கணும்!

(காலம் போகுது..)

சங்கக காலம் தெரியனும்
தமிழர் வரலாறும் படிக்கனும்
ஆண்டத் தமிழன் வீரத்தோட
விட்ட மண்ணைப் பறிக்கனும்!

(காலம் போகுது..)

வாழ்க்கை யொன்னும் நிலையில்லை
போகும் பாதை கொடிதில்லை
கொடுத்து வாழப் பழகிட்டா
மனிதம் நிலைக்க மகிழலாம்!!

(காலம் போகுது..)
—————————————
வித்யாசாகர்

நெஞ்சு துடிக்குது நெஞ்சு துடிக்குது
நெஞ்சு துடிக்குது நெஞ்சு..
எம் – செல்வச்செழிப்பினில் வந்தப்
புழுக்களைக் கொல்லத் துடிக்குது நெஞ்சு!

(நெஞ்சு துடிக்குது..)

கெஞ்ச நினைக்குது கண்ணீர் வடிக்குது
கண்டு வலிக்குது நெஞ்சு..
எம் – செம்மொழி சொல்லிடும்
சந்தனப்பிள்ளையர் தன்மொழி விட்டதையெண்ணி!

(நெஞ்சு துடிக்குது..)

வீரம் மலிந்தது மாண்பு திரிந்தது
காமம் குத்துது நெஞ்சு..
எம் பிள்ளையர் பாவையர் – காதல் சதியிலே
வீழ்ந்திட வாடுது நெஞ்சு!

(நெஞ்சு துடிக்குது..)

கள்ளு குடிக்குது கல்வி மறக்குது
பணக்கொள்ளையி லெரியுது நெஞ்சு..
எந் தமிழர்பரம்பரை – தடுக்கி
விழாதொரு தடமதைத் தேடுது நெஞ்சு!

(நெஞ்சு துடிக்குது..)

பொங்கியெழுந்திடு.. போர்க்கொடி ஏந்திடு..
பெரும் படையெனச்சேர்ந்திடு நெஞ்சே; இனி
தவறெனில் களைவதும் சரியெனில் ஏற்பதும்
சத்தியமாகனும் நெஞ்சே..!!

(நெஞ்சு துடிக்குது..)
—————————————————–
வித்யாசாகர்