Daily Archives: மார்ச் 28, 2010

நீயும் நானும் சேர்ந்திருந்த நாட்களில்- உன்னை தான் எனக்கு சரியாகப் புரியவில்லை என்பேன்; உன்னைவிட்டு வந்த பிறகு- என்னையே கூட எனக்கே – புரிய மறுக்கிறது!!

நான் குளிக்கும் போது ஊற்றிய நீரில் உப்புக் கரித்ததே மிச்சம்; வாளி நீரில் கண்ணீரே – கலங்கலாக!

உன்னிடம் நூறுமுறை காதலிக்கிறேனென்று சொல்ல ஆசை ஒரு முறை கூட சொன்னதில்லை – எங்கே, இதயங்கள் தான் ஒன்றோடொன்று – இதழோடு இதழ் போல ஒட்டிக் கொள்கிறதே!

பேசிக் கொண்டு தானிருக்கிறாய் இதயங்கள் மட்டும் இடையே – உனக்கும் எனக்கும் தெரியாமல் உன்னையும் என்னையும் மாறி மாறி தொட்டுக் கொள்கிறது; குவைத்தின் – இரண்டாயிரம் மைல் தூரம் இடையே – ஒன்றுமே செய்ய வில்லை!