தனியே நிற்கும் ஒருவனை இன்னொருவன் வந்து தள்ளிப் பார்த்தால் தனியே நின்றவன் ஏனென்றேனும் நிச்சயம் கேட்பான். பத்து பேர் வந்து தள்ளினால் முறைக்கவேனும் செய்வான். நூறு பேர் வந்து தள்ளினால் மானஸ்தனுக்கு கோபமேனும் வரும். ஆயிரம் அல்ல லட்சம் பேர் வந்து சீன்டினாலும் ஒருவனையேனும் திருப்பி அடிப்பான் தமிழன்.
அந்த வீரத்தை மீட்டு கையில் வைத்திருப்போம். யாரை அடிக்கவும் அல்ல, நம்மை யாரும் அடிக்காமல் காத்துக் கொள்ள..
வித்யாசாகர்
சொல்லி முடியா அர்ப்பணத்தின் வரலாறில் ஒரு பக்கமேனும் இக் கவிதை பகிர்ந்துள்ளதா தெரியாவிலை.
எனினும், கண்ணுக்கெதிரே சண்டையிடும் தர்மந்தனை கவ்வும் நரமனிதர்களை ஒன்றுமே செய்ய இயலாமல் நிற்கும் மரம்போல, எம் தியாக தீபங்கள் சாய்கையிலே மரமாய் நின்று; வெறும் காட்சியாய் கண்டு; எரிந்து போன கண்களின் ரத்தமாய் சொட்டிய கண்ணீர் துளிகள் இங்கே கவிதைகளாய்.. கவிதைகளாய் மட்டுமேனும்…
வித்யாசாகர்
மினுக்கும் தங்கத்தில்
சிணுங்கி பிறந்தவளோ,
ஒரு சிங்கார சிரிப்பிற்குள்
எனை உயிரோடு கொள்பவளோ;
கடக்கும் பொழுதெல்லாம்
எனை காதலால் குடிப்பவளோ,
ஒரு கையளவு மனசாலே –
எனை காலத்திற்கும் சுமப்பவளோ;
தொடும் காற்றோ;
தொடாது சிலிர்க்கும் பூவிதழோ,
உள்புகும் ஆசை நெருப்போ –
உயிர்வரை பதிபவளோ;
உணர்வுகடலில் உயிர்த்தெழுந்த
ஒற்றை பாடலின் ரெட்டை அர்த்தமோ;
எதுவாகியும் –
எனக்காய் வாழ்பவளோ;
கடலோர மணற்பரப்பாய்
மனசெல்லாம் நிறைந்தவளோ,
நான் தொட்டிடாத ஒரு கணத்தில் –
கவிதையாய் சிலிர்ப்பவளோ;
கடைத்தெரு நடக்காமல்
முகத்தில் தாவணி வீசிய புன்னகையோ,
கனவுகளுக்குள் புகுந்து பகலை –
இருட்டிற்குள் தொலைப்பவளோ;
காற்றிடம் பேசி எனை
தென்றலாய் தரிப்ப்பவளோ
நதியிடம் சொல்லிக் காதலை –
இதயக் கடலுக்குள் கரைப்பவளோ;
மனசெல்லாம் பல் தைத்து
ஒரு ஓரப் பார்வையில் தின்பாளோ,
ஒரேயொரு யுத்தம் செய்தேனும் –
என்னை ஏழுபிறப்பிற்கும் கொள்வாளோ;
தென்றலோ; நிலவோ; மலரோ;
எல்லாம் கடந்தவளோ நீ;
இவை ஏதுமற்ற காதலியோ –
எனக்கே எனக்காய் பிறந்த நீ – என் எல்லாமாய் ஆனவளோ!!
———————————————————————————————————-
வித்யாசாகர்
உனை கொஞ்சும் ஒரு சிரிப்பு செய்து
இக்கடிதத்தில் கோர்த்திடவா;
நீ அழயிருக்கும் கண்ணீரை –
கோடி; விலைவைத்தேனும் வாங்கிடவா!
நீ வெல்லும் ஒரு சபைக்கு
நான் காலதவம் செய்திடவா;
நீ செய்த ஒரு தவரிருப்பின் –
அதை மொத்தமாய்; அழுதெனும் தீர்த்திடவா!
நீ சொல்லுமொருக் கட்டளையில்
இவ்வுலகை மாற்றி போட்டிடவா;
நீ சென்று பார்க்கும் தெருமுனையில் –
நான் மறுமுனையாய் கிடந்திடவா!
உனை காணும் அந்த பொழுதிற்கே
என் ஒற்றைபிறப்பை விற்றிடவா;
நீ பேச இயலா நாட்களிலே –
நான் காற்றிலாக உயிர் கரைத்திடவா!
என் பிறந்தபலன் எல்லாமெடுத்து
உன் ஆசைகளைப் பூர்த்தி செய்திடவா;
கடவுள் ஒன்று உண்டென்றால் –
உன் கனவை ஜெயிக்க கேட்டிடவா!
இப்படி நீளும் மடலில் கைகுவித்து
கவிதை பூக்க வாழ்த்திடவா;
நீ நீண்டூ வாழும் வாழ்க்கைக்கு –
வளமும் நலமும் கூட்டிடவா;
அம்மா அண்ணன் அண்ணிகளோடு
நட்பும் நானும் குழந்தைகளும்
தம்பியும் தங்கையுமாய் பார் சூழ –
நீ வாழ்வாங்கு வாழ வாழ்த்துவமே!!
———————————————————————
ஐப்பசி 12 – இல் பிறந்த செல்லத் தம்பி விஷ்வாவிற்கும்
கார்த்திகை 15 – இல் பிறந்த இனிய சகோதரி யமுனா பாலாவிற்கும்
மார்கழி 1 (16.12.2010)- இல் பிறந்த அன்புத் தம்பி பாலாவிற்கும்
———————————————————————
எங்களின் அன்பு குறையாத வாழ்த்துக்கள்
என்றென்றும் நிறையட்டும்!!
———————————————————————
வித்யாசாகர்
உச்சிவெயில் எனை எரிக்கும் சூட்டை
உன் ஒற்றை பார்வை தனித்ததடி
நாளையும் வந்து இங்கே நிற்பேன் –
நீ வந்தால் வாழ்க்கை சொர்கமடி!
சற்று களைந்து சிலிர்ப்பும் உன் அடர்கூந்தல்
காற்றில் பறக்கும் என் இதயமடி –
காடு போல் பரந்துகிடக்கும் என் இதயதெருவில்
நீ மட்டுமே வீற்றிருக்கும் தேவியடி!
நெற்றி சுருக்கி நீ பார்த்தாய் பார்த்தாய்
ஆகா.. உள்ளே ஒரு பிரபஞ்சம் உடைந்ததை கண்டேனடி
இனி ஏழு பிறப்பு உண்டோ இல்லையோ
உனக்காய் உனக்காய் மட்டுமே நான் பிறப்பேனடி!
நடந்து வரும் தேவதை போல் – நீ
கை வீசி வீசி காற்றில் கலந்தாயடி
என் சுவாசம் பிரித்து பார்த்தால் கூட
அதில் உயிர்காற்றாய் நீயே இருப்பாயடி!
எனை தொடாத தென்றல் நீயே
தொட்டுசெல் ஓர்முறை – இதய தாளத்தில் ஆடி திளைப்பேனடி
விட்டுசெல்லும் ஓர் முடிவு – உண்டென்றால்
அதை சொல்லாமலே செல் –
உன் ஒற்றை பார்வையிலேயே உயிர்த்துக் கிடப்பேனடி!!
—————————————————————
வித்யாசாகர்
இங்கிலாந்தில் தமிழிருக்கை அமைக்க உதவுவோர் முன்வரவும். நன்றி
