Monthly Archives: மார்ச் 2010

வெள்ளையும் கருப்புமாய் வாழ்ந்த என் – அப்பாம்மாவின் காலம் எனக்கு வண்ணமாகவே தெரிகிறது!

செவ்வகம் சதுரம் முக்கோணம் நீளம் அகலம் நெட்டை குட்டை என எல்லாம் இருக்கிறது புத்தகத்தில் யாரோ ஒருவனின் கணித தோல்வியை ஒன்றிரண்டு மதிப்பெண்களில் மறைத்துக் கொண்டு!

என்ன அருமையாக ஆங்கிலம் பேசுகிறாள்… டமில் மட்டும் தகராறாம்; சிறுக்கியை – தமிழச்சியென்று மெச்சிக்கொள்ள ஒருவேளை – நான் இறந்தபிறகு என் உதடுகள் அசைந்துக் கொடுக்கலாம் அசையாமலும் போகலாம்!

தொலைபேசியில் கத்தி கத்தி பேசினாலும் மனதின் சப்தம் யார் காதையுமே தொடுவதில்லை!

பயித்தியம் பிடிக்காத நாட்களை – இப்படித் தான் எழுத்துகள் மென்று தின்றுவிட்டு தன்னை கவிதை என்று அறிவித்துக் கொள்கிறது!