ஆடிவா ஓடிவா ஆகாயம் தாண்டி வா
அழகுமயிலப் போல நீயும்
தோகை விரித் தாடிவா,
கிழங்கு வத்தல் தின்னலாம் கண்ணாமூச்சி ஆடலாம்
குனிந்து நிமிர்ந்து குதிக்கலாம்
குச்சி தள்ளி ஓடலாம்!
ஆடிவா ஓடிவா ஆகாயம் தாண்டி வா
நாலுபாய்ச்சல் குதிரைப்போல
துள்ளித் துள்ளி ஓடி வா,
நொண்டி காலு ஆடலாம் நிலாமேல ஏறலாம்
மூச்சடக்கி ஓடலாம்
முழுக்கடலைத் தாண்டலாம்!
ஆடிவா ஓடிவா ஆகாயம் தாண்டி வா
ஆண்டக் கதையைப் பாடி வா
பழையவீர(ம்) ஊட்ட வா,
ஏழு கோள் எட்டு கோள் எட்டி எட்டிப் பார்க்கலாம்
கணினியில காட்டும் உலகை
வியர்வையால மறைக்கலாம்!!
—————————————————————————
வித்யாசாகர்
உங்களது கவிதை.கட்டுரை என்பவற்றை வாசிக்க சந்தர்ப்பம் கிடைத்தது அனைத்தும்.அருமையாகவுள்ளது உங்கள் புத்தகங்களை வாசிக்கஆவலாகவுள்ளேன்
LikeLike
மிக்க நன்றி. சென்னை ஹிக்கிம்பாதம்ஸ் மற்றும் டிஸ்கவரி பேலஸ் புதிய புத்தக உலகம் போன்ற இடங்களிலும், இணையத்தில் நூலுலகம் மற்றும் வேறுசில இணையவழியிலும் நமது படைப்புகள் அநேகம் கிடைக்கும். படித்துவிட்டு கருத்து கூறுங்கள். காத்திருக்கிறேன். நன்றி..
வித்யாசாகர்
LikeLike